काठमाडौं । नेष्डो समृद्ध लघुवित्त वित्तीय संस्था लिमिटेडले विभिन्न पदमा स्थायी कर्मचारी माग गरेको छ । संस्थाले एक सूचना जारी गर्दै वरिष्ठ सहायक, सहायक प्रथम, कनिष्ठ सहायकका लागि कर्मचारी माग गरेको हो ।
नेपाल राष्ट्र बैंकबाट ‘घ’ वर्गको इजाजतप्राप्त लघुवित्तले उक्त पदमा आवेदन दिँदा व्यक्तिगत विवरण, नेपाली नागरिकताको प्रतिलिपि, शैक्षिक योग्यताको प्रमाणपत्र, कार्यअनुभवका प्रमाणपत्र (लागु हुने पदका लागि) हालसालै खिचेको पासपोर्ट साइज फोटो लगायतका कागजात पेश गर्नुपर्नेछ । यी सबै कागजात [email protected] मा इमेलमार्फत पठाएर आवेदन दिन सक्नेछन्।
उक्त पदहरुमा आवेदन दिनका लागि उमेरको हकमा न्यूनतम १८ वर्ष पूरा भई ४० वर्ष ननाघेको हुनुपर्नेछ । महिला उम्मेदवारका लागि उमेर सीमामा ५ वर्ष थप छुट हुनेछ । ईच्छुक तथा योग्यता पुगेका नेपाली नागरिकले विज्ञापन प्रकाशित भएको मितिले १५ दिनभित्र आवेदन दिनुपर्नेछ ।
