काठमाडौं । नेपाली एमएमए फाइटर रवीन्द्र ढाँट ‘रोड टु यूएफसी सिजन–५’ को फाइनलमा प्रवेश गरेका छन् । आज चीनको सांघाईस्थित अक्टागनमा भएको सेमिफाइनल खेलमा बझाँङका ढाँटले न्यूजिल्यान्डका फाइटर कासिब मर्डकलाई हराउँदै फाइनालमा प्रवेश गरेका हुन् ।
ढाँटले हालसम्म ११ खेल खेलेका छन्। त्यसमध्ये उनले १० खेलमा जित हात पार्दा एक खेलमा मात्र पराजय व्यहोरेका छन्। रवीन्द्रले एमएमए करिअरमा सन् २०२३ मा इस्माइल खानसँग मात्र हार व्यहोरेका थिए। उनले अब फाइनलमा जापानका रियो ताजिमासँग प्रतिस्पर्धा गर्ने छन् ।
