काठमाडौं । राष्ट्रपति डोनाल्ड ट्रम्पको युद्धको ६ महिनामा नयाँ युद्ध भड्काउने धम्कीको बावजुद इरानले बिहीबार कुवेतमा अमेरिकी सैन्य आधारमा आक्रमण गरेको छ। देशभरका स्थलमा व्यापक अमेरिकी बमबारीमा कम्तिमा १९ जना इरानी मारिएपछि अमेरिकी सेना इरानमा कुनै पनि समयमा आक्रमण गर्न तयार रहेको ट्रम्पले बताए।
तेहरानले भने कुवेत, जोर्डन, संयुक्त अरब इमिरेट्स, बहराइन र इराकको स्वायत्त कुर्दिस्तान क्षेत्रसहित मध्यपूर्वमा विभिन्न अमेरिकी सैन्य लक्ष्यमा आक्रमण गरेर आक्रमणको बदला लिएको छ। निरन्रको द्वन्द्वले युद्धलाई बढवा दिएको छ भने इरानले स्ट्रेट अफ हर्मुजमा तेल निर्यात मार्गमा आफ्नो पकड कायम राख्ने प्रयासलाई अमेरिकाले इरानी बन्दरगाहको प्रति–अवरोधलाई दबाब दिइरहेको छ।
तेहरानले स्ट्रेट अफ हर्मुजमा समुद्री खानी राख्ने प्रयास गरिरहेको भन्दै वासिङ्टनले आइतबार इरानी लक्ष्यमा प्रहार गरे पछि हाल तनाव बढेको जनाइएको छ। इरानले आइतबारको आक्रमणमा “हताहत” भएको र जोर्डन र संयुक्त अरब इमिरेट्समा अमेरिकी सेनालाई लक्षित गरेर जवाफ दिएको बताएको छ।
अधिकतम दबाब सैन्य कारबाहीसतिह वासिङ्टनले आफ्ना व्यापारिक साझेदारमाथि प्रतिबन्ध लगाउने धम्की दिँदै इरानको अर्थतन्त्रलाई दबाउने प्रविद्धता गरेको छ। इरानका आर्थिक साझेदारलाई लक्षित गरी विस्तारित प्रतिबन्धको अमेरिकी योजनाले “पूर्ण रूपमा अधिकतम दबाब” दिने ऊर्जा सचिव क्रिस राइटले बताए।
सामाजिक सञ्जाल ट्रुथमा ट्रम्पले तेहरानले छ महिनादेखि प्रभावकारी रूपमा बन्द गरेको रणनीतिक ढुवानी मार्ग स्ट्रेट अफ हर्मुजको नाम परिवर्तन गरी “ट्रम्प स्ट्रेट” राख्ने सुझाव पनि दिए।
