काठमाडौं । नेपालको छिमेकमा रहेको भारतको उत्तर-पूर्वी राज्य सिक्किममा भएको भारी वर्षाका कारण ग्याल्जिङ जिल्लाको रिम्बी गाउँमा पहिरो गएको छ। त्यहाँ धेरै घरहरू, सरकारी आवास (क्वाटर) हरू र अन्य भौतिक सम्पत्तिहरू बगेका छन्।
सिक्किमका मुख्यमन्त्री प्रेमसिंह तामाङले फेसबुकमा लेखेका छन्, “बीती राति भएको भीषण पहिरोपछि रिम्बी, ग्याल्जिङ जिल्लाको स्थितिबाट अत्यन्तै दुःखी र चिन्तित छु। स्थिति गम्भीर बनेको छ र मानिसहरूको सुरक्षा तथा हित हाम्रो सर्वोच्च प्राथमिकता हो।”
“सरकार यस कठिन समयमा रिम्बीका बासिन्दाहरूसँग मजबुतका साथ उभिएको छ। सम्बन्धित अधिकारीहरूलाई उच्च सतर्कता (हाई अलर्ट) मा रहन, स्थितिको सूक्ष्म निगरानी गर्न र मानिसहरूको सुरक्षा सुनिश्चित गर्नका लागि हरसम्भव कदम चाल्न निर्देशन दिइएको छ।”
उनले अपिल गर्दै भनेका छन्, “आउनुहोस्, सतर्क रहौँ र यो मुसलधारे वर्षाका बेला सुरक्षित रहौँ। अधिकारीहरूका तर्फबाट जारी गरिएका सल्लाह तथा सूचनाहरूको पालना गरौँ र एक-अर्कालाई हरसम्भव सहयोग गरौँ।”
समाचार एजेन्सी एएनआईको एक भिडियोमा सिक्किममा भएको यस क्षतिलाई देखाइएको छ। उक्त भूस्खलनमा परी कुनै मानवीय क्षति (हताहत) भएको खबर भने नरहेको पनि जानकारी दिइएको छ।
