काठमाडौं ।नेपालका लागि यामाहाको आधिकारिक वितरक एमएडब्लू राइडस प्रालिले देशव्यापी रूपमा क्षेत्रीय शहरमा रहेका आधिकारिक यामाहा डिलरशिपहरूमा एकैसाथ नयाँ ‘ब्लु यामाहा एक्सएसआर १५५’को उपलब्धता आधिकारिक रूपमा विस्तार गरेको छ ।काठमाडौंको भृकुटीमण्डपमा आयोजित नाडा अटो शो तथा यामाहा ब्लु फेस्टको सफल प्रदर्शनपाछि यो मोटरसाइकल अहिले देशव्यापी क्षेत्रीय २० शोरूममा पुगेको हो ।
यामाहाको मूल मर्म ‘बिल्ट अन लेगेसी, ड्रिभन बाई पर्फर्मेन्स’लाई आत्मसात् गरेको एक्सएसआर १५५ ले मौलिक रेट्रो स्टाइल र आधुनिक प्रदर्शनको उत्कृष्ट संयोजन प्रदान गर्दछ ।
यसमा भीभीए प्रविधिको १५५ सिसी लिकुइड–कुल्ड इन्जिन र ६–स्पीड गियर ट्रान्समिसन रहेको छ, जसले दैनिक यात्रा तथा हाइवे राइडमा सेगमेन्टमै उत्कृष्ट माइलेजका साथै भरपर्दो पावर र उच्च गतिमा स्थिरता प्रदान गर्दछ ।
हाल उपलब्ध रंगहरू ब्ल्याक, ग्रे, रेडका साथै लाइनअपमा थप स्टाइलका विकल्पको ग्राहक मागलाई सम्बोधन गर्दै यामाहाले यो नयाँ ब्लु विकल्प बजारमा ल्याएको हो ।
५ लाख ३४ हजार ९०० मूल्य तोकिएको यो नयाँ भेरिएन्ट थप किफायती समेत भएकाले धेरैभन्दा धेरै राइडरलाई मौलिक नियो–रेट्रो मोटरसाइकल खरिद गर्न सहज बनाउनेछ ।
क्षेत्रीय विस्तारका अवसरमा बोल्दै एमएडब्लू राइडस प्रालिका कार्यकारी निर्देशक तथा प्रमुख कार्यकारी अधिकृत दीपक कुमार अग्रवालले भने, ‘हामीले एक्सएसआर १५५ मा निकै सकारात्मक प्रतिक्रिया पाएका छौं र राइडरहरूले थप नयाँ रंगका विकल्पहरूको स्पष्ट माग गरिरहनुभएको थियो । ब्लु एक्सएसआरलाई क्षेत्रीय बजारहरूमा प्रत्यक्ष रूपमा पुर्याउनु हाम्रो लागि एउटा महत्त्वपूर्ण कदम हो । क्षेत्रीय ग्राहक हाम्रो बढ्दो एक्सएसआर समुदायको प्रमुख हिस्सा हुन् र हामी उनीहरूमाझ थप विकल्प तथा उत्कृष्ट अनुभव सिधै पुर्याउन प्रतिबद्ध छौं ।’
यो क्षेत्रीय विस्तारको उद्देश्य स्थानीय राइडरसँग यामाहाको सम्बन्ध अझ प्रगाढ बनाउनु र देशव्यापी रूपमा एक्सएसआर प्रयोगकर्ताको समुदायलाई थप विस्तार गर्नु पनि हो ।
ब्लु यामाहा एक्सएसआर १५५ का लागि टेस्ट राइड तथा बुकिङ हाल देशव्यापी क्षेत्रीय शहरमा रहेका आधिकारिक यामाहा डिलरशिपमा खुला गरिएको छ ।
एमएडब्लु राइड्स प्रालि नेपालका लागि यामाहा दुईपाङ्ग्रे सवारी साधनको आधिकारिक वितरक हो, जसले देशभर विश्वस्तरीय मोबिलिटी, प्राविधिक नवीनता र उत्कृष्ट ग्राहक सेवा प्रदान गर्न प्रतिबद्ध रहेको जनाएको छ ।
