काठमाडौं । रुस र युक्रेन रुसको कब्जामा रहेको युक्रेनी सहर ओलेस्कीमा युद्धविराम गर्न र अर्को महिना नयाँ शान्ति वार्ताका लागि बस्न सहमत भएका छन् । अमेरिकी प्रथम महिला मेलानिया ट्रम्पको मध्यस्थतामा यो सहमति जुटेको हो ।
ह्वाइट हाउसका अनुसार युद्धअघि करिब २४,००० जनसङ्ख्या रहेको ओलेस्कीमा हाल १,७०० देखि २,००० जना मात्र बाँकी रहेका छन् । दुवै पक्षका अनुसार युद्धविराम अक्टोबर २७ देखि लागू हुनेछ । यसबाट मानवीय सहायता सामग्री पुर्याउन र मानवीय करिडोरमार्फत सर्वसाधारणलाई सुरक्षित स्थानमा स्थानान्तरण गर्न सहज हुनेछ ।
अमेरिकी अधिकारीका अनुसार आगामी तीन पक्षीय वार्ता आउँदो केही हप्ताभित्र आबु धाबी वा स्विट्जरल्याण्डमा हुन सक्नेछ । युक्रेनी राष्ट्रपति भोलोदिमिर जेलेन्स्कीले शान्ति वार्ताकारहरू अर्को महिना नयाँ चरणको छलफलका लागि भेट्ने पुष्टि गरेका छन् ।
