काठमाडौं। आईडीसी क्वार्टरली वेयरेबल डिभाइस ट्र्याकरको पछिल्लो तथ्यांकअनुसार हुवावेले सन् २०२६ को पहिलो ६ महिनामा विश्वव्यापी स्मार्टवाच बजारमा विश्वकै नम्बर १ ब्रान्डको स्थान कायम राखेको छ।
सन् २०२६ को पहिलो ६ महिनामा हुवावेले विश्वव्यापी स्मार्टवाच बजारमा २१ प्रतिशतभन्दा बढी बजार हिस्सा हासिल गरेको छ। यससँगै विश्वव्यापी वेयरेबल बजारमा हुवावेको उपस्थिति थप मजबुत भएको कम्पनीले जनाएको छ।
कम्पनीका अनुसार यो उपलब्धिले नवीन प्रविधिमा हुवावेको निरन्तर ध्यान र विभिन्न जीवनशैली तथा आवश्यकताअनुसारका स्मार्टवाच तथा वेयरेबल उत्पादनको विस्तारलाई प्रतिबिम्बित गर्छ। फिटनेस र रनिङदेखि दैनिक स्वास्थ्य तथा वेलनेससम्मका आवश्यकतालाई लक्षित गर्दै हुवावेले उपयोगी प्रविधि र आधुनिक डिजाइनलाई संयोजन गरी वेयरेबल उत्पादन विकास गर्दै आएको छ।
सन् २०२६ को पहिलो ६ महिनामा हुवावेले हुवावे वाच जीटी रनर २, हुवावे वाच फिट ५ सिरिज र हुवावे वाच किड्स एक्स१ सिरिजलगायत नयाँ स्मार्टवाच तथा वेयरेबल उत्पादन सार्वजनिक गरेको थियो। यी उत्पादनहरू विभिन्न प्रयोगकर्ता र आवश्यकतालाई ध्यानमा राखेर डिजाइन गरिएका छन्। तिनमा स्वास्थ्य निगरानी, खेलकुद गतिविधि ट्र्याकिङ तथा दैनिक प्रयोगका लागि आवश्यक विभिन्न सुविधा उपलब्ध छन्।
नेपालका उपभोक्ताका लागि विश्वव्यापी बजारमा प्राप्त यो उपलब्धिले स्थानीय बजारमा उन्नत स्मार्टवाच तथा वेयरेबल प्रविधि उपलब्ध गराउने हुवावेको निरन्तर प्रतिबद्धता देखाउने कम्पनीले जनाएको छ।
नेपालमा हुवावेका वेयरेबल उत्पादनको दायरा विस्तार हुँदै जाँदा कम्पनीले स्वस्थ, सक्रिय र प्रविधिसँग जोडिएको जीवनशैलीलाई सहयोग गर्ने उत्पादन उपलब्ध गराउँदै आएको जनाएको छ। नेपालमा हालै सार्वजनिक गरिएको हुवावे वाच फिट ५ सिरिजले पनि यसलाई थप समर्थन गरेको कम्पनीको भनाइ छ।
वेयरेबल प्रविधिमा निरन्तर केन्द्रित रहँदै विभिन्न उत्पादनमार्फत विश्वभर तथा नेपालका प्रयोगकर्ताका लागि अझ स्मार्ट र अर्थपूर्ण अनुभव सिर्जना गर्न हुवावे प्रतिबद्ध रहेको कम्पनीले जनाएको छ।
