काठमाडौं । लक्ष्मी लघुवित्त वित्तीय संस्था लिमिटेडले गत आर्थिक वर्षको आम्दानीबाट शेयरधनीलाई ५ प्रतिशत लाभांश वितरण गर्ने प्रस्ताव गरेको छ ।
कम्पनीको मंसिर ३ गते बसेको सञ्चालक समितिको बैठकले शेयरधनीलाई ४.७५ प्रतिशत बोनस शेयर र ०.२५ प्रतिशत नगद लाभांश दिने निर्णय गरेको हो। नगद लाभांश कर प्रयोजनका लागि वितरण गर्न लागिएको कम्पनीले जनाएको छ ।
कम्पनीको चुक्ता पुँजी ४४ करोड १६ लाख ६२ हजार १०० रुपैयाँ रहेको छ । यसका आधारमा शेयरधनीले पाउने बोनस शेयरको कुल मूल्य २ करोड ९ लाख ७८ हजार ९४९ रुपैयाँ ७५ पैसा हुनेछ । त्यस्तै, नगद लाभांशका लागि ११ लाख ४ हजार १५५ रुपैयाँ २५ पैसा छुट्याइएको छ ।
प्रस्तावअनुसार कम्पनीले शेयरधनीलाई कुल २ करोड २० लाख ८३ हजार १०५ रुपैयाँ बराबरको लाभांश वितरण गर्नेछ ।
यद्यपि, सञ्चालक समितिले गरेको यो निर्णय कार्यान्वयन हुन नेपाल राष्ट्र बैंकको स्वीकृति र कम्पनीको आगामी वार्षिक साधारण सभाबाट पारित हुनुपर्नेछ । दुवै प्रक्रिया पूरा भएपछि मात्रै शेयरधनीले प्रस्तावित लाभांश प्राप्त गर्नेछन् ।
यसैबीच, कम्पनीले आर्थिक वर्ष २०८२/८३ को वार्षिक वित्तीय विवरण पनि राष्ट्र बैंकको स्वीकृतिका लागि पठाउने निर्णय गरेको छ । केन्द्रीय बैंकबाट स्वीकृति पाएपछि उक्त विवरण साधारण सभामा पेस गर्ने प्रयोजनका लागि सार्वजनिक गरिने कम्पनीले जनाएको छ ।



