काठमाडौं । नागरिक लगानी कोषको नाफामा वृद्धि भएको छ । कोषले वित्तीय विवरण सार्वजनिक गर्दै चालु आर्थिक वर्षको दोस्रो त्रैमासको अवधिमा ६२ करोड २२ लाख ८६ हजार नाफा कमाएको छ । जुन गत आर्थिक वर्षको सोहि अवधिको तुलनामा ७ करोड ६२ लाखले बढी हो । गत आर्थिक वर्षको सोहि अवधिमा कोषले ५४ करोड ६० लाख २ हजार नाफा कमाएको थियो ।
कोषको कुल आम्दानीमा वृद्धि भए सँगै नाफामा सुधार देखिएको हो । कोषको चालु आर्थिक वर्षको दोस्रो त्रेमासको अवधिमा कुल आम्दानी १ अर्ब ३ करोड ९५ लाख रहेको छ । गत आर्थिक वर्षको सोहि अवधिमा कोषको कुल आम्दानी ९२ करोड ४५ लाख रहेको छ । कोषको ब्याज आम्दानी भने करिब ३ करोडले घटेको छ । चालु आर्थिक वर्षको दोस्रो त्रैमासको अवधिमा कोषको ब्याज आम्दानी १९ करोड ३३ लाख रहेको छ भने गत आर्थिक वर्षको सोहि अवधिमा २२ करोड ९५ लाख ब्याज आम्दानी रहेको थियो ।
२८ अर्ब ७० करोडको जगेडा कोष रहेको कोषको चुक्ता पुँजी भने ६ अर्ब ४८ करोड १७ लाख रहेको छ । कोषको नेटवर्थ ९ अर्ब २८ करोड ४ लाख रहेको छ भने प्रतिशेयर नेटवर्थ १४३ रुपैयाँ १८ पैसा र पति शेयर आम्दानी १९ रुपैयाँ २० पैसा रहेको छ ।
