काठमाडौं । ओम मेगाश्री फर्मास्युटिकल्सको निष्काशक तथा बिक्री प्रबन्धक प्रभु क्यापिटल लिमिटेडले आईपीओ बाँडफाँट गरेको छ । गत फागुन २७ देखि चैत ३ सम्म सर्वसाधारणमा बिक्री तथा निष्काशन गरिएको थियो ।
आईपीओका २० लाख ५६ हजार ५७६ जनाले आवेदन दिएका थिए । जसमध्ये १ लाख ४७ हजार ६ सय जनाले १०–१० कित्ताका दरले आईपीओ हात पारेका छन् भने १८ लाख ५६ हजारको हात रित्तो रहेको छ ।
कम्पनीले जारी पूँजी साठ्ठी करोड रुपैयाँको ३०% अर्थात अठार करोड रुपैयाँ रकम बराबरको प्रतिशेयर १०० का दरले १८ लाख कित्ता साधारण शेयरको लागि आबेदन खुलाएको छ । यसअघि कम्पनीले श्रम स्वीकृत लिई वैदेशिक रोजगारमा रहेका नागरिकको लागि १०% अर्थात १,८०,००० कित्ता साधारण शेयर बिक्री गरेको थियो ।
ओम मेगाश्री फर्मास्युटिकल्स डबल बि रेटिङ प्राप्त गरेको कम्पनी हो ।
