काठमाडौं । मुक्तिनाथ विकास बैंकले लाभांश प्रस्तावसहित साधारण सभा बोलाएको छ । सभा कात्तिक १५ गते होटल ग्राण्ड पार्दी, बिरौटा, पोखरामा बिहान १० बजे शुरु हुनेछ । बैंकले सभामा १३.५३ प्रतिशत बोनस र ४.६७ प्रतिशत नगद लाभांश (कर सहित) वितरण गर्ने प्रस्ताव पेश गर्नेछ । साधारण सभा तथा लाभांश वितरण प्रयोजनार्थ बैंकले असोज ३१ गते एक दिनका लागि बुकक्लोज गर्ने भएको छ । यस अनुसार असोज ३० गतेसम्म नेप्सेमा कारोबार भइ कायम शेयरधनीहरुले बैंकको साधारण सभामा सहभागिता जनाउन तथा बैंकले वितरण गर्ने लाभांश प्राप्त गर्न सक्नेछन्।
मुक्तिनाथ विकास बैंकको साधारण सभा कात्तिक १५ गते, बुक क्लोज कहिले ?
