काठमाडौं । राष्ट्रपति रामचन्द्र पौडेल कतारको दोहामा आयोजना हुने ‘सामाजिक विकासका लागि दोस्रो विश्व शिखर सम्मेलन’ कार्यक्रममा सहभागी हुन नेपाली प्रतिनिधिमण्डलको नेतृत्व गर्दै सोमबार त्यसतर्फ प्रस्थान गरेका छन् ।
राष्ट्रपति पौडेल कात्तिक २० गतेसम्म दोहामा हुने उक्त अन्तर्राष्ट्रिय कार्यक्रममा सहभागी हुने कार्यक्रम रहेको राष्ट्रपतिको कार्यालयले जनाएको छ ।
राष्ट्रपतिको अनुपस्थितिमा नेपालको संविधानको धारा ६७ को उपधारा (२) बमोजिम राष्ट्रपतिबाट सम्पादन हुने कार्य सम्माननीय उपराष्ट्रपति रामसहाय प्रसाद यादवले सम्पादन गरिनेगरी जिम्मेवारी तोकिएको राष्ट्रपतिको कार्यालयले आज सार्वजनिक गरेको विज्ञप्तिमा उल्लेख छ ।
राष्ट्रपति पौडेलको भ्रमण अवधि भर उपराष्ट्रपतिले कार्यवाहक राष्ट्रपतिको जिम्मेवारी वहन गर्नेछन् ।
