काठमाडौं । आर्थिक वर्ष २०८२/८३ (साउन देखि असारमसान्तसम्म ) मा जीवन बीमा कम्पनीहरूले २ खर्ब बढी बीमा शुल्क संकलन गरेका छन् ।
नेपाल बीमा प्राधिकरणका अनुसार सञ्चालनमा रहेका १४ जीवन बीमा कम्पनीहरुले गत आर्थिक वर्ष २०८२/८३ मा २ खर्ब १ करोड ९१ लाख बीमा शुल्क संकलन गरेको छ । जुन आर्थिक वर्ष २०८१/८२ को तुलनामा १२.४३ प्रतिशतले बढी हो । बीमा कम्पनीहरुले आर्थिक वर्ष २०८१/८२ मा १ खर्ब ७७ अर्ब ९० करोड ६३ लाख बीमा शुल्क संकलन गरेका थिए ।
नेपाल बीमा प्राधिकरणले सोमबार सार्वजनिक गरेको तथ्यांक अनुसार गत आवमा जीवन बीमा कम्पनीहरुले १ करोड १८ लाख ५० हजार ३९१ वटा बीमा लेख मार्फत उक्त बीमा शुल्क आर्जन गरेका हुन् ।
समिक्षा अवधिमा प्रथम बीमा शुल्क ४९ अर्ब ४० करोड ३३ लाख रहेको छ भने नवीकरण बीमाशुल्क १ खर्ब ५० अर्ब ६१ करोड ५८ लाख रहेको छ ।
प्राधिकरणको तथ्यांक अनुसार गत आवमा सबैभन्दा बढी बीमा शुल्क संकलन गर्ने कम्पनीहरुमा नेपाल लाइफ इन्स्योरेन्स, नेशनल लाइफ, लाइफ इन्स्योरेन्स कर्पोरेशन (एलआइसी) नेपाल र हिमालयन लाइफ इन्स्योरेन्स लगायतका कम्पनीले बीमा शुल्क संकलन गरेको छ । नेपाल लाइफले ५३ अर्ब ६८ करोड ८४ लाख, नेशनलले २४ अर्ब ६८ करोड ५७ लाख, एलआइसीले २१ अर्ब २३ करोड ३९ लाख र हिमालयन लाइफ इन्स्योरेन्सले १८ अर्ब ५६ करोड ५ लाख बराबर बीमा शुल्क संकलन गरेको छ । अघिल्लो आवको सोही अवधिमा नेपाल लाइफले ४७ अर्ब ७९ करोड १ लाख, नेशनल लाइफले २२ अर्ब २२ करोड ८३ लाख, एलआइसीले १९ अर्ब ९२ करोड ५५ लाख र हिमालयनले १७ अर्ब ६५ करोड २ लाख बीमा शुल्क संकलन गरेको थियो ।
गत अवामा सूर्यज्योति लाइफ इन्स्योरेन्सले १२ अर्ब ९० करोड ६७ लाख, राष्ट्रिय जीवन बीमाले नौ अर्ब ६४ करोड ५ लाख, , सिटिजन्स लाइफले ९ अर्ब १६ करोड ८९ लाख, सानिमा रिलायन्स लाइफले ७ अर्ब ९९ करोड ४२ लाख र आइएमई लाइफले ७ अर्ब ४५ करोड ४१ लाख बीमा शुल्क संकलन गरेको छ । अघिल्लो सूर्यज्योति लाइफ इन्स्योरेन्सले ११ अर्ब ७ करोड २ लाख, राष्ट्रिय जीवन बीमाले ९ अर्ब ८५ करोड ६६ लाख, सिटिजन्स लाइफले ७ अर्ब ३३ करोड ९१ लाख, सानिमा रिलायन्स लाइफले ६ अर्ब ८३ करोड ३० लाख र आइएमई लाइफले ५ अर्ब ४० करोड २९ लाख बीमा शुल्क संकलन गरेको थियो ।
गत आवमा मेट लाइफले ६ अर्ब ८६ करोड ३ लाख , रिलायबल नेपाल लाइफले ६ अर्ब ४२ करोड ८ लाख, प्रभु महालक्ष्मी लाइफले ६ अर्ब ३३ करोड ६९ लाख, सन नेपाल लाइफले ४ अर्ब ६३ करोड १० लाख बीमा शुल्क संकलन गरेको छ ।
अघिल्लो आवमा मेट लाइफले ६ अर्ब २५ करोड ८३ लाख, रिलायबल नेपाल लाइफले ५ अर्ब १७ करोड ४ लाख, प्रभु महालक्ष्मी लाइफले ५ अर्ब २२ करोड ३१ लाख र सन नेपाल लाइफले ३ अर्ब ९६ करोड ४९ लाख बीमा शुल्क संकलन गरेको थियो ।
