काठमाडौं । नेपाल लाइफ इन्स्योरेन्स कम्पनी लिमिटेडको गत पुस १९ गते सम्पन्न २६औं वार्षिक साधारण सभाले पारित गरेको बोनस सेयर सम्बन्धित सेयरधनीको डिम्याट खातामा जम्मा भएको छ । कम्पनीको उक्त साधारणसभाले आर्थिक वर्ष २०८१/८२ का लागि ५ प्रतिशत बोनस सेयर पारित गरेको थियो । उक्त बोनस सेयर नेप्से र सिडिएस एण्ड क्लियरिङमा दर्ता तथा सूचीकृत भई कारोबार हुने व्यवस्था समेत भइसकेको छ ।
कम्पनीले पुस ७ गतेभन्दा अघिल्लो दिनसम्म नेप्सेमा कारोबार भई लिखतमा रहेका सेयरधनीहरूको डिम्याट खातामा बोनस सेयर पठाएको हो । साथै पुस ६ गतेसम्म शेयर धितो राखेर ऋण लिएका सेयरधनीको हकमा ऋण दिने संस्थाको नाममा रोक्का जनाइएकाले कर्जा चुक्ता भएपछि सम्बन्धित संस्थामा सम्पर्क गरी बोनस सेयर फुकुवा गर्न आग्रह गरेको छ ।
