काठमाडौं । स्यार्पु पावर कम्पनी लिमिटेडले सर्वसाधारणका लागि प्राथमिक सार्वजनिक शेयर (आईपीओ) निष्काशन गर्ने भएको छ । कम्पनीले उक्त प्रस्तावसहित वार्षिक साधारणसभा आह्वान गरेको हो ।
सभा आगामी असार २६ गते बिहान ११ बजे कम्पनीको दर्ता कार्यालय, मुसिकोट नगरपालिका–१, रुकुम पश्चिममा बस्नेछ ।
सभामा सर्वसाधारणका लागि आईपीओ निष्कासन, सोबाट प्राप्त हुने पूँजीको उपयोग, साथै कम्पनीको प्रबन्धपत्र तथा नियमावलीमा आवश्यक संशोधन गर्ने प्रस्ताव पेश गरिनेछ । संशोधनपछि कायम हुने जगेडा शेयर बिक्रीसम्बन्धी प्रस्ताव पनि छलफल गरी पारित गरिनेछ ।
यस्तै, गत आर्थिक वर्षका सम्पूर्ण वित्तीय विवरणहरू समीक्षा गरी अनुमोदन गरिनेछ भने चालू आवका लागि लेखापरीक्षकको नियुक्ति र पारिश्रमिक निर्धारणसम्बन्धी निर्णय पनि सभामार्फत गरिने कम्पनीले जनाएको छ ।
