काठमाडौं । काबेली हाइड्रोपावर कम्पनी लिमिटेडले प्रारम्भिक सार्वजनिक निष्काशन (आईपीओ) जारी गर्न नेपाल धितोपत्र बोर्डमा औपचारिक आवेदन पेश गरेको छ। कम्पनीले मङ्सिर ८ गते बोर्डमा आवेदन दर्ता गराउँदै सेयर निष्काशनका लागि अनुमति माग गरेको हो।
कम्पनीले कुल ४१ करोड २५ लाख रुपैयाँ बराबरको ४१ लाख २५ हजार कित्ता सेयर सर्वसाधारणमा निष्काशन गर्ने योजना अघि सारेको छ। यस आईपीओ निष्काशन तथा बिक्री व्यवस्थापनको जिम्मेवारी एनएमबि एस क्यापिटल लिमिटेडलाई दिइएको छ।
ऊर्जा उत्पादनतर्फ, काबेली हाइड्रोपावरले ताप्लेजुङ जिल्लामा निर्माण सम्पन्न गरेको २१.९३० मेगावाट क्षमताको काबेली–३ क्यासकेड जलविद्युत आयोजनाबाट २०८२ भदौ महिनादेखि नियमित रूपमा विद्युत उत्पादन गर्दै आएको छ।
