काठमाडौं । काभ्रेप्लाञ्चोकको शंखरापुरस्थित एक फर्निचर उद्योगमा आगलागी हुँदा एक महिलाको मृत्यु भएको छ।
शंखरापुर नगरपालिका–१ नाङलेभारेकी ७० वर्षीय टिकादेवी दंगालको आगलागीमा परी ज्यान गएको जिल्ला प्रहरी कार्यालय काभ्रेले जनाएको छ। काभ्रेपलाञ्चोकको धुलिखेल नगरपालिका–९ स्थित श्यामसुन्दर फर्निचर तथा काष्ठ उद्योगमा विद्युत् सर्ट भएर आगलागी भएको थियो।
प्रहरी उपरीक्षक बसुन्धरा खड्काका अनुसार उद्योगमै बस्दै आएकी दंगालको घटनास्थलमै मृत्यु भएको हो भने उनका श्रीमान् ७३ वर्षीय तोयानाथ घाइते भएका छन्।
फर्निचर उद्योगबाट सुरु भएको आगो फैलिँदा नजिकै रहेको कृष्णबहादुर विश्वकर्माको एकतले कच्ची घर र ध्रुवबहादुर विश्वकर्माको जस्ताको टहरामा समेत क्षति पुगेको छ।
प्रहरीका अनुसार आगलागीबाट फर्निचर उद्योगमा करिब ८० लाख, कृष्णबहादुर विश्वकर्माको घरमा अन्दाजी ८ लाख तथा ध्रुवबहादुर विश्वकर्माको टहरामा करिब ३ लाख बराबरको क्षति भएको छ।
शुक्रबार राति ९ बजे सुरु भएको आगो नियन्त्रणका लागि पाँचवटा दमकल, ४० प्रहरी टोली तथा कालिजंग गण धुलिखेलको सहायतामा करिब राति १स्४५ बजे पूर्ण रूपमा नियन्त्रणमा लिइएको थियो।
