काठमाडौं ।स्वरोजगार लघुवित्त वित्तीय संस्थाले आफना शेयरधनीहरुलाई हाल कायम रहेको चुक्ता पुँजीको ६७ करोड ११ लाख ४ हजार ९९३ बराबरको लाभांश वितरण गर्ने भएको छ । संस्थाको बुधबार बसेको सञ्चालक समितिको २८३ औं बैठकको निर्णय अनुसार उक्त निर्णय गरेको हो ।
हाल कायम चुक्ता पुँजीको १३.८९३८२ प्रतिशतले हुने रकम ९ करोड ३२ लाख ४२ हजार ११० र नगद लाभांश कर प्रयोजनार्थ हाल कायम चुक्ता पुँजीको ०.७३१२५ प्रतिशतले हुने रकम ४९ लाख ७ हजार ४७९ रुपैयाँ ४६ पैसा बराबर लाभांश वितरण गर्न लागेको हो । संस्थाको हाल चुक्ता पुँजी ६७ करोड ११ लाख ४ हजार ९९३ रहेको छ ।
बैठकले नेपाल राष्ट्र बैंकको स्वीकृति पश्चात आगामी वार्षिक साधारण सभाबाट पारित गर्ने आर्थिक वर्ष २०८०८१ सम्मको वितरण योग्य मुनाफाबाट संस्थाका शेयरधनीहरुलाई उक्त लाभांश वितरण गर्ने निर्णय गरेको हो । लाभांश वितरण आगामी साधारण सभाबाट पारित गरे पछि वितरण गरिनेछ ।साथै हालै बिक्री गरेको १ लाख ९५ हजार ७३३ कित्ता एफपीओ साधारण सभाको लागि हुने बुक क्लोज मितिभन्दा अगावै सूचीकरण भएमा एफपीओ पाउने लगानीकर्ताले पनि उक्त बोनस सेयर पाउने कम्पनीले जानकारी गराएको छ । एफपीओ सूचीकरण भएमा चुक्ता पुँजी ६९ करोड ६ लाख ८२ हजार २९३ पुग्ने भएकाले प्रस्तावित लाभांशदर पनि समाजोजन गरी १३.५० प्रतिशत बोनस सेयर र ०.७१ प्रतिशत नगद कायम हुने कम्पनीको भनाई छ ।
