काठमाडौं । किसान होल्डिङले चैत ३१ गते वार्षिक साधारणसभा बोलाएको छ । कम्पनीको चैत ६ गते बसेको सञ्चालक समिति बेठकले स्याङ्जाको चापाकोट १० स्थित मगर हलमा साधारण सभा बोलाएको हो ।
साधारणसभामा कम्पनीको प्रबन्धपत्र तथा नियमावली बमोजिम संचालक समितिले प्रस्ताव गरे अनुसार शेयर प्रिमियम मूल्यमा सर्वसाधारणको लागि शेयरको प्रारम्भिक सार्वजनिक निष्काशन गर्ने र सोही सार्वजनिक निष्काशनका लागि छुट्याईएको शेयर मध्येबाट धितोपत्र सम्बन्धी प्रचलित नियम कानुनमा तोकिए बमोजिमको प्रतिशतले हुन आउने शेयर सम्बन्धित क्षेत्र तथा समूहलाई शेयर निस्काशन तथा बिक्री गर्ने सम्बन्धमा छलफल हुनेछ ।
बैठकमा आव २०८०/८१ को संचालक समितिको वार्षिक प्रतिवेदन र लेखापरीक्षकको प्रतिवेदन सम्बन्धमा छलपल हुनेछ । यस्तै चालु आवका लागि लेखापरीक्षकको नियुक्ति तथा पारिश्रमिक निर्धारण गर्नेछ । रिक्त संचालक सदस्यको निर्वाचन गर्ने, कम्पनी सचिव नियुक्ति गर्ने, कम्पनीको प्रबन्धपत्र तथा नियमावलीमा गर्नुपर्ने आवश्यकीय संशोधनहरु गर्ने, शेयरको प्रारम्भिक सार्वजनिक निष्काशनका सम्बन्धमा गर्नुपर्ने कार्यहरु तथा साधारण सभाबाट भएको निर्णयको कार्यान्वयनका लागि आवश्यक कुनै थप निर्णय वा कार्य गर्नका लागि संचालक समितिलाई अख्तियारी प्रदान गर्ने सम्बन्धमा छलफल हुनेछ ।
