काठमाडौं । गार्डियन माइक्रो लाइफ इन्स्योरेन्स लिमिटेडले शतप्रतिशत हकप्रद शेयर बिक्री गर्ने भएको छ । चैत १८ गते बसेको कम्पनीको सञ्चालक समितिको बैठकले १ बराबर १ अनुपातमा हकप्रद शेयर जारी गर्ने निर्णय गरेको हो।
उक्त प्रस्ताव पारित गर्न कम्पनीले २०८२ बैशाख ५ गते साधारण सभा बोलाउने भएको छ । साधारण सभा प्रयोजनार्थ कम्पनीले चैत २८ गते बुकक्लोज गर्ने भएको छ । तसर्थ, चैत २७ गतेसम्म कायम रहने शेयरधनी मात्र उक्त विशेष सभामा भाग लिन सक्नेछन् । विशेष सभाबाट प्रस्ताव पारित भएर नियामक निकायहरुको स्वीकृति पाएपछि मात्र हकप्रद शेयर जारी हुनेछ ।
गार्डियन माइक्रो लाइफले हालै मात्र आईपीओ बिक्री गरी चुक्ता पुँजी ७५ करोड रुपैयाँ पुर्याएको छ । प्रस्तावित हकप्रद सेयर जारी गरेपश्चात चुक्ता पुँजी १ अर्ब ५० करोड रुपैयाँ पुग्नेछ ।
