काठमाडौं ।हिमालयन डिष्टिलरीको अध्यक्षमा शंकर राज पाण्डे नियुक्त भएका छन् ।चैत २० गते बसेको कम्पनीको सञ्चालन समितिको बैठकले रित्त रहेको सञ्चालन समितिको अध्यक्ष पदमा पाण्डेलाई नियुक्त गर्ने निर्णय गरेको थियो ।
यस अघिका अध्यक्ष अखिलेश्वर प्रसाद सिंहले राजीनामा दिए पछि पाण्डेलाई अध्यक्ष पदमा नियुक्त गरिएको हो । कम्पनीको चैत १७ गते बसेको सञ्चालक समितिको बैठकले सिंहको राजीनामा स्वीकृत गरेको थियो ।
यसअघि पाण्डे कम्पनीको सञ्चालक समिति सदस्य रहेका थिए । चैत २० गतेदेखि नै लागू हुने गरी पाण्डेलाई अध्यक्ष पदमा नियुक्त गरिएको कम्पनीले जनाएको छ ।
