काठमाडौं । मर्क्योर काठमाडौं सुकेधारा हाइटस्ले भारतको समृद्ध र विविध पाककलालाई सम्मान गर्दै जायका नामक अधिकारीक भारतीय भोजनालय उद्घाटन गरेको छ। । रेस्टुरेन्टको शुभारम्भ अभिनेत्री मनिषा कोइरालाको प्रमुख आतिथ्यमा सम्पन्न भएको हो ।
जायकाले कार्यकारी शेफ मुकेश सिंह र सहायक शेफ मोहम्मद अहमदको पाककलाको उत्कृष्ट संयोजन प्रस्तुत गर्दै भारतको परम्परागत स्वादलाई आधुनिक भव्यतासँग मिश्रण गर्ने उद्देश्य लिएको छ ।
जायकाको उद्घाटनमा मर्क्योर काठमाडौं सुकेधारा हाइटस्का महाप्रबन्धक विजय नन्मारन एस ले आफ्नो उत्साह व्यक्त गर्दै भने, ‘जायका केवल रेस्टुरेन्ट मात्र होइन यो भारतको पाककला सम्पदासँग जोड्ने एक नयाँ ढोका हो, हामी काठमाडौंमा यो विशेष भोजन अनुभव प्रस्तुत गर्न पाउँदा अत्यन्तै उत्साहित छौं । हाम्रो प्रतिभाशाली शेफ टिमले तयार पारेको मेनुले पाहुनाहरूलाई भारतको स्वादको अविस्मरणीय यात्रामा लैजानेछ ।’
जायकाको मेनुमा भारतीय खानाको गहिराइ र विविधतालाई दर्शाउँदै विभिन्न प्रख्यात परिकारहरू समावेश छन् । विशेष परिकारहरू जस्तै मुर्ग शहजहानी नल्ली निहारी र कसुन्दी झींगा अत्यन्तै रुचिकर र ध्यानपूर्वक तयार पारिएका छन् । यस रेस्टुरेन्टको वातावरण मात्रै नभई निजी भोजन कक्ष, निजी सेवकको सेवा र अन्तरक्रियात्मक शेफको टेबल जस्ता विशेष अनुभवहरू समेत समावेश गरिएका छन्, जसले कुनै पनि व्यक्तिगत वा पारिवारिक उत्सवलाई अविस्मरणीय बनाउनेछ ।
१०औं तल्लामा अवस्थित जायकाबाट काठमाडौं उपत्यकाको अनुपम दृश्यावलोकन गर्न सकिनेछ, जसले हरेक भोजनलाई भव्यता र शान्तिको महसुस गराउनेछ। चाहे तपाईं भारतीय भोजनप्रेमी हुनुहोस्, नयाँ स्वादको खोजीमा हुनुहोस् वा विशेष डाइनिङ अनुभव खोज्दै हुनुहोस्,जायका काठमाडौंको भोजन संस्कृति भित्रको महत्वपूर्ण गन्तव्य बन्नेछ ।
जायकाको उद्घाटनसँगै, मर्क्योर काठमाडौं सुकेधारा हाइटस्ले पाहुनाहरूलाई विविध र परिष्कृत पाककला अनुभव प्रदान गर्ने प्रतिबद्धता जाहेर गरेको छ ।
