काठमाडौं । बुङ्गल हाइड्रो लिमिटेडले आगामी असार २९ गतेदेखि प्राथमिक शेयर (आईपीओ) निष्काशन गर्ने भएको छ ।
कम्पनीले आफ्नो जारी पुँजी ८३ करोड रुपैयाँको ३५ प्रतिशत अर्थात २९ करोड ५ लाख रुपैयाँ बराबरको सय रुपैयाँ अंकित दरको २९ लाख ५ हजार कित्ता आईपीओ निष्काशनका लागि नेपाल धितोपत्र बोर्डबाट अनुमति पाएको छ । जसमध्ये पहिलो चरणमा जारी पूँजीको १० प्रतिशत अर्थात ८ करोड ३० लाख रुपैयाँको ८ लाख ३० हजार कित्ता आयोजना प्रभावित क्षेत्रका बासिन्दा र २ लाख ७ हजार कित्ता वैदेशिक रोजगारीमा रहेका नेपालीका लागि निष्काशन तथा बिक्री वितरण गर्न लागिएको हो ।
आईपीओ खरिदका लागि न्युनतम १० कित्तादेखि अधिकतम २० हजार कित्तासम्ममा आवेदन दिन सकिनेछ ।
आयोजना प्रभावित क्षेत्रका बासिन्दाले आगामी असार २९ देखि साउन ११ सम्म तथा ढिलोगरी साउन २६ गतेसम्म आवेदन दिन सक्नेछन् । यस्तै वैदेशिक रोजगारीमा रहेका नेपालीले साउन ११ गतेसम्म आवेदन दिनसक्नेछन् ।
