काठमाडौं । नारायणघाट-बुटवल सडकखण्डको दाउन्नेमा कल्भर्ट निर्माणाधीन स्थानमा सडक चिप्लो हुँदा सवारीसाधन एकतर्फी सञ्चालन गरिएको छ ।
जिल्ला प्रहरी कार्यालय नवलपुरले सकेसम्म यो मार्ग भएर यात्रा नगर्न सबैसित अनुरोध गरेको छ । पश्चिमबाट पूर्वतर्फ जाने अर्थात बर्दघाटबाट दुम्किबास जाने सवारीसाधन पास भए पनि पूर्वबाट पश्चिम जाने सवारीसाधन पास हुन सकेका छैनन् ।
सडक हिलो र चिप्लो हुँदा उकालोमा सवारीसाधन चढ्न नसक्दा ठाउँठाउँमा बिग्रिएकोले लामो लाइन लागेको जनाएको छ ।
नवलपरासी(बर्दघाट सुस्ता पूर्व) विनयी त्रिवेणी गा.पा. वडा नं. २ स्थित पूर्व पश्चिम राजमार्गको दाउन्ने सडक खण्डमा बाटो चिप्लो,उकालो तथा सवारी साधन बिग्रिएको कारणले सवारी साधन आवगमनमा असहज भएको कारणले दुवै तर्फ चल्ने सवारी साधनको चाप रहेको र बाटो एक तर्फी संचालनमा रहेको हुनाले बैकल्पिक मार्गको प्रयोग गर्नु हुन सम्पुर्ण महानुभावहरुमा जिल्ला प्रहरी कार्यालय नवलपरासी(बर्दघाट सुस्ता पूर्व) अनुरोध गर्दछ जिल्ला प्रहरी कार्यालय नवलपुरले भनेको छ।
