काठमाडौं । प्रतिनिधिसभा सदस्य निर्वाचन २०८२ अन्तर्गत डोल्पा निर्वाचन क्षेत्र नम्बर–१ मा नेपाली कम्युनिष्ट पार्टीका उम्मेदवार धनबहादुर बुढा विजयी भएका छन्।
बुढाले ६ हजार ८०२ मत प्राप्त गर्दै विजयी हुँदा उनका निकटतम प्रतिद्वन्द्वी नेकपा एमालेका लंकबहादुर रोकायाले ५ हजार ३९६ मत प्राप्त गरेका छन्।
त्यस्तै, नेपाली कांग्रेसका कर्णबहादुर बुढाले २ हजार ९४७ मत प्राप्त गरेका छन्। राष्ट्रिय स्वतन्त्र पार्टीका देवसिंह ऐडीले १८१ मत प्राप्त गर्दा राष्ट्रिय प्रजातन्त्र पार्टीका हरिप्रसाद डाँगीले ९२ मत ल्याएका छन्। यस्तै, स्वतन्त्र उम्मेदवार ओमेन्द्रबहादुर केसीले ५४ मत, प्रगतिशील लोकतान्त्रिक पार्टीका विकास बुढाले २१ मत, उज्यालो नेपाल पार्टीका दिलबहादुर विष्टले ११ मत र मितेरी पार्टी नेपालकी जुजु भण्डारीले २ मत प्राप्त गरेका छन्।
