काठमाडौं । नेपाल धितोपत्र बोर्ड (सेवोन) का अध्यक्ष सन्तोषनारायण श्रेष्ठले राजीनामा दिएका छन्। उनले शुक्रबार साँझ साढे ५ बजे अर्थ मन्त्रालय पुगेर राजीनामा पत्र बुझाएको स्रोतले जनाएको छ।
श्रेष्ठ २०८१ मंसिर १० गते नेपाल धितोपत्र बोर्डको अध्यक्ष पदमा नियुक्त भएका थिए। उनलाई तत्कालीन अर्थमन्त्री विष्णु पौडेलको सिफारिसमा उक्त पदमा नियुक्त गरिएको थियो।
नयाँ सरकार गठनसँगै बोर्ड नेतृत्व परिवर्तन हुने चर्चा चलिरहेका बेला उनले राजीनामा दिएका हुन्। श्रेष्ठले बिचौलियाहरुको निकट काम गर्दै आइरहेको कुरा पटक पटक बाहिरिदै आएको थियो । सरकारले बर्खास्त गर्ने संकेत पाएसँगै उनले अध्यक्षबाट राजीनामा दिएका हुन् ।
