काठमाडौं । एभरेष्ट कलर लिमिटेडले वैदेशिक रोजगारीमा रहेका नेपालीहरुका लागि बिक्री गरेको आइपीओ बाँडफाँट गरेको छ । बिक्री प्रबन्धक मुक्तिनाथ क्यापिटको कार्यालयमा सेयर बाँडफाँट गरिएको हो । कम्पनीले वैदेशिक रोजगारीमा रहेका नेपालीहरुका लागि वैशाख १६ गतेदेखि २२ गतेसम्म सेयर जारी गरेको छ ।
कम्पनीले विदेशमा रहेका नेपालीका लागि ७९ हजार कित्ता सेयर छुट्याएको थियो । जसमध्ये ७ हजार ९०० जनाले १० कित्ताका दरले सेयर हात पारेका छन् । यसमा ९० हजार ८२० योग्य आवेदकबाट ११ लाख ८९ हजार ४५० कित्ताका लागि आवेदन परेको थियो ।
आवेदकले बिक्री प्रबन्धककको वेवसाइट, मेरो सेयर र सीडीएससीले रिजल्ट हेर्न बनाइएको https://iporesult.cdsc.com.np/ बाट नतिजा हेर्न सक्नेछन् ।
