काठमाडौं । सेयर बजारमा आज सुधार देखिएको छ । मंगलबार १४५.०५ अंकले घटेको सेयर बजार बुधबार भने ४.०८ प्रतिशतले बढेको छ । साताको चौथो दिन बुधबार सेयर बजार १०८.३५ अंकले बढेर २७५९.६७ विन्दुमा पुगेर बन्द भएको छ । क वर्गको मापन गर्ने सेन्सेटिभ इन्डेक्स १८.९० अंकले बढेर ४८३.४६ विन्दुमा पुगेर बन्द भएको छ ।
बुधबार २३९ वटा कम्पनीको सेयर मूल्य बढ्दा ३ वटा कम्पनीको सेयर मूल्य घटेको छ । आज ३३० वटा कम्पनीको ३ करोड ८० लदाख ४१ हजार २६७ कित्ता सेयर २ लाख १२ हजार ६८१ पटक कारोबार हुदाँ कारोबार रकम भने १७ अर्ब ९५ करोड ९ लाख १८ हजार ६२७ रुपैयाँ रह्यो । जुन मंगलबारको तुलनामा ५ अर्ब ७६ करोड ५७ लाख ९८ हजार रुपैयाँले कमी हो । मंगलबार ३२२ वटा कम्पनीको ५ करोड ३८ लाख ४४ हजार २३७ कित्ता सेयर कारोबार हुदाँ कारोबार रकम २३ अर्ब ७१ करोड ६७ लाख १६ हजार रुपैयाँ रह्यो ।
बुधबार १३ वटा समूह सूचकको सेयर मूल्य बढेको छ । बैकिङ ३३.८५, विकास बैंक २२९.९४, वित्त २३८.२६, होटल र पर्यटन ३६७.५०, जलविद्युत १८५.८१, लगानी ४.१४, जीवन बीमा ५१०.९८, उत्पादन र प्रशोधन २६४.०७, लघुवित्त १११.८७, म्युअुचल फण्ड ०.२१, निर्जीवन बीमा ४००.५७, व्यापार २००.७६ र अन्य १७०.७४ अंकले बढेको छ ।
बुधबार सबैभन्दा बढी कारोबार हुनेमा कम्पनीहरुमा हिमालयन रिइन्स्योरेन्स, नेपाल फाइनान्स, सानिमा माई हाइड्रोपावर, शिवम सिमेन्ट र चिलिमे हाइड्रोपावर रह्यो । हिमालयन रिइन्स्योरेन्सको १ अर्ब ५३ करोड ५३ लाख रुपैयाँ, नेपाल फाइनान्सको ६५ करोड ५५ लाख रुपैयाँ, सानिमा माई हाइड्रोपावरको ५५ करोड ७३ लाख रुपैयाँ, शिवम सिमेन्टको ४६ करोड २१लाख रुपैयाँ र चिलिमे हाइड्रोपावरको ३५ करोड रुपैयाँ बर।बरको कारोबार भयो ।
बुधबार बोर्टलर्स नेपाल (बालाजू) , गुडवली फाइनान्स, समृद्धि फाइनान्स, प्रोगेशिभ फाइनान्स र नेपाल रिइन्स्योरेन्स सेयर मूल्यमा सर्किट लागेको छ । सानिमा बैंक डिबेन्चरको सेयर मूल्यमा नकारात्मक सर्किट लाग्दा एनआइसी एशिया डिबेन्चरको ४ प्रतिशत, लक्ष्मी भ्यालु पण्डको २ प्रतिशत, एनएमबी ५० को २ प्रतिशत र एनएमबी ८९÷८० को २ प्रतिशतले सेयर मूल्य घटेको छ ।
