काठमाडौं । सिटिजन लाइफ इन्स्योरेन्सको ३ करोड ५७ लाख बढी कित्ता शेयरको लकइन अवधि सकिने भएको छ।
कम्पनीले आज एक सूचना जारी गर्दै आउँदो भदौ २७ गतेबाट ३ करोड ५७ लाख ५० हजार कित्ता शेयरको लकइन अवधि सकिने जानकारी गराएको हो। जसमा संस्थापक शेयरधनीको ३ करोड ५० लाख कित्ता र कम्पनीका कर्मचारीहरुको ७ लाख ५० हजार कित्ता रहेको छ।
कुनै पनि कम्पनीको आइपीओ बाँडफाँड भएको मितिले ३ वर्षसम्म संस्थापक र कर्मचारीको शेयर लकइनमा राख्नुपर्ने प्रावधान रहेको छ। यद्यपि, लकइन अवधि सकिए पनि सञ्चालक र कम्पनीको उच्च व्यवस्थापकीय पदमा कार्यरत कर्मचारीको भने शेयर रोक्का नै रहने व्यवस्था छ।
