तेस्रो त्रैमासमा वाणिज्य बैंकहरुको नाफा ४० अर्ब ६८ करोड, कसको कति

काठमाडौं । चालु आर्थिक वर्ष २०८०/८१ को तेस्रो त्रैमासमा वाणिज्य बैंकहरुको खुद नाफा घटेको देखिएको छ। चालु आवको पहिलो ९ महिनामा बैंकहरुले ४० अर्ब ६८ करोड ३० लाख ३१ हजार रुपैयाँ खुद नाफा आर्जन गरेका छन्।

गत आर्थिक वर्ष २०७९/८० को तेस्रो त्रैमासको तुलनामा बैंकहरुको नाफामा संकुचन देखिएको हो। गत आवको सोही अवधिमा बैंकहरुले ४६ अर्ब १ करोड ५३ लाख ६७ हजार रुपैयाँ खुद नाफा कमाएका थिए। एक वर्षको अवधिमा बैंकहरुको खुद नाफा ५ अर्ब ३३ करोड २२ लाख ८६ हजार रुपैयाँ अर्थात ११.५९ प्रतिशतले घटेको छ।

गत आवको चैत मसान्तको तुलनामा चालु आवमा १२ बैंकले आफ्नो खुद नाफा बढाएका छन् भने ८ बैंकको घटेको छ। बैंकहरुको खुद नाफा ९३ प्रतिशतदेखि २ प्रतिशतसम्म घटेको छ। नाफा बढाउन सफल बैंकको खुद नाफा ६ देखि ९३ प्रतिशतसम्मले बढेको छ।

गत आवको तेस्रो त्रैमासमा कमाएको नाफामा चालु आवमा सबैभन्दा धेरै वृद्धि गर्नेमा कृषि विकास बैंक रहेको छ। कृषि विकास बैंकले चालु आवको चैतमसान्तसम्म २ अर्ब ५ करोड ३१ लख ६६ हजार खुद नाफा कमाएको छ भने गत आवको सोही अवधिमा १ अर्ब ४ करोड १० लाख ३७ हजार रुपैयाँ रहेको थियो। एक वर्षको अवधिमा कृषि विकास बैंकको खुद नाफा १ अर्ब २ करोड २१ लाख २९ हजार रुपैयाँ अर्थात ९७.२२ प्रतिशतले बढेको छ।

गत आवको तेस्रो त्रैमासमा कमाएको नाफामा चालु आवमा सबैभन्दा धेरै गुमाउनेमा नेपाल बैंक रहेको छ। नेपाल बैंकले चालु आवको चैतमसान्तसम्म १३ करोड ५ लाख ९ हजार खुद नाफा कमाएको छ भने गत आवको सोही अवधिमा १ अर्ब ७८ करोड २३ लाख २९ हजार रुपैयाँ रहेको थियो। एक वर्षको अवधिमा नेपाल बैंकको खुद नाफा १ अर्ब ६५ करोड १८ लाख २० हजार रुपैयाँ अर्थात ९२.६८ प्रतिशतले घटेको छ।

चालु आवमा सबैभन्दा धेरै नाफा नबिल बैंकले गरेको छ। नबिल बैंकको खुद नाफा ४ अर्ब ६६ करोड ८० लाख २९ हजार रुपैयाँ छ।

तेस्रो त्रैमासमा ग्लोबल आईएमई र नेपाल इन्भेष्टमेन्ट बैंकको खुद नाफा ३ अर्ब रुपैयाँभन्दा बढी छ।

यस्तो छ वाणिज्य बैंकहरुको नाफा