काठमाडौं । काठमाण्डौ महानगरपालिकाले छठ पर्व मनाउन श्रदालु भक्तजनका लाति ८ ठाँउमा छठ पुजाको लागि घाट तय गरेको छ । महानगरपालिकाले आस्था र संस्कारहरूलाई सम्मान प्रकट गर्दै छठ पर्व व्यवस्थापनका लागि निम्न ८ स्थानमा काम गर्दै आएको जनाएको छ ।
महानगरपालिकका अनुसार निम्न स्थानमा छठ पुजाको लागि घाट तय गरेको छ
– गौरी घाट, वडा ८ ।
– कोटेश्वर दोभान, वडा ३२ ।
– कमल पोखरी, वडा १ ।
– वंशीघाट, वडा ११ ।
– बालाजु बाइसधारा, वडा १६ ।
– धौखेल खोला, वडा १३ ।
– कुमारी क्लब, वडा १४ ।
– भुवनेश्वरी मन्दिर, वडा १४ ।
काठमाडौं महानगरपालिकाका माथि उल्लेखित स्थानमा छठ पर्व मनाउनका लागि पोखरी सरसफाइ, पोखरी वरिपरि रङ्गरोगन र छठ पर्व स्थल व्यवस्थापनको कामलाई द्रुतता दिएका जनाएको छ ।
