काठमाडौं । शाइन रेसुंगा डेभलपमेण्ट बैंक लिमिटेडले आजदेखि ऋणपत्र निष्कासन गर्दैछ ।
बैंकले १० वर्षे अवधिको १ अर्ब रुपैयाँ बराबरको ऋणपत्र जारी गर्न लागेको हो । बैंकले प्रतिकित्ता १००० रुपैयाँ अंकित दरले हुन आउने १० लाख कित्ता ऋणपत्र जारी गर्न लागेको हो ।
१ अर्ब बराबरको ऋणपत्रमध्ये ६० प्रतिशतले हुन आउने ६० करोड रुपैयाँ बराबरको ६ लाख कित्ता ऋणपत्र व्यक्तिगत तबरले बिक्री गरिनेछ । ५ प्रतिशत ऋणपत्र सामूहिक लगानी कोषलाई बाँडफाँड गरेर बाँकी ३ लाख ८० हजार कित्ता ऋणपत्र सर्वसाधारणमा बिक्री गरिनेछ ।
ऋणपत्र वार्षिक ब्याजदर ८ प्रतिशत रहनेछ । ऋणपत्रमा असार ३२ गतेदेखि छिटोमा साउन ४ र ढिलोमा साउन १४ गतेसम्म आवेदन दिन पाइनेछ ।
ऋणपत्र खरिदका लागि न्युनतम २५ कित्ता र अधिकतम ५ लाख कित्ताका लागि आवेदन दिन सकिनेछ ।
