काठमाडौं । आज पनि नेप्से परिसूचक बढेको छ । नेप्से परिसूचक ९.६१ अंकले बढेको हो । बजार २६६५.६० मा पुगेर बन्द भएको छ । यस दिन ३२२ वटा कम्पनी ९१ हजार ७ सय ५ पटकको कारोबार हुँदा १ करोड ३६ लाख २० हजार कित्ता सेयर खरिदबीक्री भएको छ । कारोबार रकम भने ६ अर्ब ६९ करोड २९ लाख रुपैयाँ पुगेको छ । यो रकम मंगलबारको तुलनामा ५३ लाख ९९ हजारले बढी हो । मंगलबार करोबार रकम ५ अर्ब ८२ करोड ३० लाख रुपैयाँ थियो ।
८ वटा उपसमूह बढेका छन् र ५ वटा घटेका छन् ।बैंकिङ ०.६६ प्रतिशत, विकास बैंक ०.१२, होटल्स तथा पर्यटन समूह ०.९९, जलबद्युत ०.२८, उत्पादन र प्रशोधन ०.७४, लघुवित्त ०.७१ र अन्य समूह ०.४५ प्रतिशतले बढेका छन् । वित्त ०.१६ , लगानी ०.१७, जीवन बीमा ०.३२, म्युअुचल फण्ड ०.०४ र निर्जीवन बीमा ०.३३ प्रतिशतले घटेका छन्।
यस दिन झापा इनर्जी, सागर डिस्टिलरी, स्वस्तिक लघुवित्त र श्रीनगर एग्रीटेक १० प्रतिशतले बढेका छन् । रिभर फल्स ९.६१ प्रतिशतले बढेको छ । त्यसै गरी रकमको आधरमा कारोबार यस दिन एनआरएन इन्फ्रास्ट्रक्चर एण्ड डेभलपमेन्ट पहिलो स्थानमा रहेको छ। यस कम्पनीको ६२ करोड ४३ लाख ४३ हजार रुपैयाँबराबरको सेयर कारोबार भएको छ।
