काठमाडौं । उज्यालो नेपाल पार्टीले आगामी निर्वाचनलाई लक्षित गर्दै आफ्नो नीति तथा प्रतिबद्धता सार्वजनिक गरेको छ। पार्टीले सुशासन, पारदर्शिता र सामाजिक न्यायलाई केन्द्रमा राखेर योजना तयार पारेको छ। सार्वजनिक सेवामा पहुँच सहज बनाउने, भ्रष्टाचार नियन्त्रण गर्ने, प्रशासनलाई डिजिटल र नागरिकमैत्री बनाउने जस्ता मुख्य विषयहरू समावेश गरिएको छ।
आर्थिक क्षेत्रमा पार्टीले २०३० सम्म गार्हस्थ्य उत्पादन वृद्धि, रोजगारी सिर्जना र निर्यात वृद्धि गर्ने लक्ष्य प्रस्तुत गरेको छ। ऊर्जा, कृषि, पर्यटन, शिक्षा, स्वास्थ्य र पूर्वाधार क्षेत्रमा पनि विस्तृत योजना सार्वजनिक गरिएको छ।
पार्टीले गरिबी र बेरोजगारी घटाउने, डिजिटल अर्थतन्त्र प्रवद्र्धन गर्ने र प्रत्येक वर्ष कार्यान्वयन प्रगतिको ‘रिपोर्ट कार्ड’ सार्वजनिक गर्ने प्रतिबद्धता जनाएको छ। पार्टीको नारा ‘गफ होइन काम, भाषण होइन परिणाम’ अनुसार परिणाममुखी शासनमार्फत देशमा परिवर्तन ल्याउने रहेको बताइएको छ।
