काठमाडौं । भृकुटीमण्डपमा आयोजना भइरहेको नाडा अटो शो २०२६ मा टाटा मोटर्सको आधिकारिक वितरक सिप्रदी ट्रेडिङले आफ्ना तीन विद्युतीय गाडीहरुलाई विशेष अफर र आधुनिक प्रविधिका साथ प्रदर्शनीमा राखेको छ। जसअन्तर्गत पहिलो मोडलका रुपमा ९० को दशकको एसयूभी टाटा सिरिया ईभी प्रस्तुत गरिएको छ। यसमा पछाडिको ठूलो ‘अल्पाइन’ काँचको झ्याल अल्पाइन विन्डो सिग्नेचर ग्लास र अगाडि-पछाडि जोडिएको एलइडी डिआरएल/लाइटिङ बारसहितको आकर्षक डिजाइन र बनावट रहेको छ भने नेपालका अप्ठ्यारा, खाल्टाखुल्टी र कच्ची सडकहरुलाई ध्यानमा राख्दै २०० मिमि भन्दा बढीको उत्कृष्ट भुइँको उचाइ ग्राउन्ड क्लियरेन्स दिइएको छ। ६३ किलोवाट आवर र ७५ किलोवाट आवरका दुई ठूला ब्याट्री प्याक विकल्पमा उपलब्ध यस गाडीले एक पटकको पूर्ण चार्जमा ४५० देखि ५०० किमीसम्मको वास्तविक दायरा रियल-वर्ल्ड रेन्ज र कम्पनी दाबीअनुसार ६००+ किमीसम्मको रेन्ज प्रदान गर्छ।
यसको इन्टेरियरमा तेहरो-स्क्रिन ड्यासबोर्ड सेटअप, १२.३ इन्चको इन्फोटेनमेन्ट स्क्रिन, १०.२५ इन्चको डिजिटल चालक प्रदर्शन डिजिटल ड्राइभर डिस्प्ले, पानालोमिक सनरुफ, हावा आउजाउ हुने सिट भेन्टिलेटेड फ्रन्ट सिट्स र १२-स्पीकरयुक्त जेबिएल विथ डल्बी एटमस ध्वनि प्रणाली जस्ता प्रिमियम सुविधाहरु रहेका छन्। ६२२ लिटरसम्मको फराकिलो सामान राख्ने ठाउँ बुट स्पेस दिइएको यस गाडीको हाल प्रि-बुकिङ खुला भइसकेको छ डेलिभरी आउँदो दसैँदेखि सुरु हुनेछ।
विशेष प्रसङ्गका रुपमा इन्डियन प्रिमियर लिग २०२६ (आइपिएल २०२६) मा टाटा सिरिया ईभी आधिकारिक प्रायोजक गाडी अफिसियल स्पोन्सर कार रहेको थियो, जहाँ ७७६ रन बनाउँदै उत्कृष्ट प्रदर्शन गरेका राजस्थान रोयल्सका १५ वर्षीय ब्याटर वैभव सूर्यवंशीले यो गाडी पुरस्कार स्वरुप जितेका थिए।
दोस्रो मोडलका रुपमा सहरी यात्राका लागि उपयुक्त, सुरक्षित र बजेट-मैत्री सानो एसयूभी टाटा पञ्च ईभी प्रस्तुत गरिएको छ, जसको नियमित बजार मूल्य रु. ३३ लाख ९९ हजार रहेकोमा नाडा अटो शो विशेष मूल्यअन्तर्गत रु. १ लाखको छुटसहित रु. ३२ लाख ९९ हजार तोकिएको छ। टाटाको शुद्ध विद्युतीय ‘एक्टि.इभी’ आधुनिक प्लेटफर्ममा बनेको हुनाले यसको बनावट अत्यन्तै सुरक्षित र मजबुत छ भने यसमा १९० मिलिमिटरको उत्कृष्ट भुइँको उचाइ ग्राउन्ड क्लियरेन्स रहेको छ।
३५ किलोवाट आवर ब्याट्री प्याक प्रयोग गरिएको यस गाडीले दैनिक सहरी तथा मध्यमसम्मको यात्राका लागि ३६५ देखि ४२१ किमीसम्मको रेन्ज दिन्छ। यसको इन्टेरियर र सुविधाहरुमा १०.२५ इन्चको एचडी टचस्क्रिन, डिजिटल ड्राइभर डिस्प्ले, प्याडल/भ्वाइस असिस्टेड सनरुफ, स्मार्टफोन चार्जर, ३६०-डिग्री क्यामेरा र स्मार्ट चार्जिङ प्रविधि (भीटुएल/भीटुभी) समावेश छन्।
साथै, ३६६ लिटरको मुख्य बुट स्पेसका साथै अगाडिको बोनेटभित्र १४ लिटरको अतिरिक्त सामान राख्ने ‘फ्रन्क’ समेत उपलब्ध गराइएको छ। ५-स्टार बीएनक्याप रेटिङ प्राप्त यस गाडीमा ६ वटा एयरब्याग, सबै पाङ्ग्रामा डिस्क ब्रेक अल-डिस्क ब्रेक, र एबिएस/इबिडी मानक रुपमा उपलब्ध छन्।
तीस्रो मोडलका रुपमा नेपाली बजारमा सबैभन्दा बढी बिक्री भएको र विश्वासिलो विद्युतीय एसयूभीको नयाँ टाटा नेक्सोन ईभी राखिएको छ, जसको नियमित बजार मूल्य रु. ४३ लाख ९९ हजार रहेकोमा नाडा अटो शो विशेष मूल्यअन्तर्गत रु. १ लाख ५० हजारको विशेष नाडा छुटसहित रु. ४२ लाख ४९ हजार कायम गरिएको छ।
नेपालका कच्ची तथा उकालो-ओरालो सडकका लागि १९० मिमिको ग्राउन्ड क्लियरेन्स दिइएको यस गाडीमा ४०.५ किलोवाट आवरको उच्च क्षमताको ब्याट्री प्याक रहेको छ, जसले एक पटकको पूरा चार्जमा ४५० किलोमिटरसम्मको लामो रेन्ज सुनिश्चित गर्छ। यसको इन्टेरियर र आधुनिक प्रविधिअन्तर्गत ड्यासबोर्डमा १२.३ इन्चको विशाल टचस्क्रिन, १०.२५ इन्चको डिजिटल क्लस्टर, चिसो/तातो बनाउन मिल्ने हावा आउजाउ हुने सिट भेन्टिलेटेड सिट्स, ३६०-डिग्री वरपरको दृश्य देखाउने क्यामेरा (सराउन्ड भ्यु क्यामेरा) र इलेक्ट्रोनिक पार्किङ ब्रेक राखिएको छ।
सामान सहजै अटाउने ३५० लिटरको फराकिलो बुट स्पेस रहेको यस गाडीमा सेफ्टीका लागि ६ वटा एयरब्याग, लेभल-२ एडास प्रविधि जसले दुर्घटनाबाट बचाउन स्वचालित ब्रेक, लेन-कायम राख्ने आदि सहयोग गर्छ, र इएसपी जस्ता उच्च प्रिमियम सुरक्षा सुविधाहरु जोडिएका छन्।
