काठमाडौं । पोपान मल्टिपल कम्पनी लिमिटेडले जगेडा सेयर बिक्री गर्ने भएको छ । कम्पनीले १२५ रुपैयाँ कित्तामा २० प्रतिशत अर्थात ३० लाख ३१ हजार ६०० कित्ता सेयर बिक्री गर्न लागेको हो ।
कम्पनीको जेठ २७ गते सम्पन्न विशेष साधारणसभाबाट जारी पुँजी वृद्धि गरि जगेडामा रहेको सेयर बिक्री गर्ने प्रस्ताव पारित भए बमोजिम सेयर बिक्री गर्न लागिएको कम्पनीले जनाएको छ । उक्त सेयर खरिदका लागि कम्पनीले असार ६ गते एक दिन बुक क्लोज गर्ने कम्पनीले जनाएको छ ।
उपरोक्त मिति भन्दा अगावै संचालक समितिमा कागजात प्राप्त भइ सेयर खरिद समितीबाट स्वीकृतीको निर्णय भएका सेयरधनीहरुले मात्र सेयर खरिद गर्न पाउने कम्पनीको सूचनामा भनिएको छ । असार ७ गतेदेखि सेयर खरिदको लागि आवेदन दिन शुरु भइ असार २८ गते बन्द हुने कम्पनीले जनाएको छ ।
