काठमाडौं । सरकारले बचत तथा ऋण सहकारी संस्थाहरुको छुट्टै नियामक निकाय गठन गर्ने घोषणा दोहोर्याएको छ । आगामी आर्थिक वर्षको बजेट सार्वजनिक गर्दै अर्थमन्त्री वर्षमान पुनले समस्याग्रस्त घोषणा भएका सहकारीका सञ्चालक र सञ्चालकका एकाघरका परिवारका सदस्यको सम्पत्तिबाट ५ लाखसम्म बचत गरेका बचतकर्ताको रकम फिर्ता गरिने घोषणा गरेका हुन् ।
काठमाडौं । सरकारले वैदेशिक रोजगारीमा जाने नेपालीलाई अभिमुखीकरण निःशुल्क गर्ने घोषणा गरेको छ । आगामी आर्थिक वर्षको बजेट सार्वजनिक गर्दै अर्थमन्त्री वर्षमान पुनले वैदेशिक रोजगारीमा जाने नेपालीलाई अभिमुखीकरण शुल्क क्रमशः निःशुल्क गर्दै लगिने घोषणा गरेका हुन् । उनले आगामी आर्थिक वर्ष थप ३ गन्तव्य देशसँग श्रम सम्झौता गरिने बताएका छन् ।
काठमाडौं । सरकारले फेसबुक, ट्वीटर जस्ता सामाजिक सञ्जालबाट हुने डिजिटल विज्ञापन नियमन गर्ने भएको छ । आगामी आर्थिक वर्षको बजेट घोषणा गर्दै अर्थमन्त्री वर्षमान पुनले सामाजिक सञ्जालबाट हुने डिजिटल विज्ञापन नियमन गर्ने घोषणा गरेका हुन् । उनले लोककल्याणकारी विज्ञापनलाई यथावत राखिएको र लोककल्याणकारी विज्ञापनको वितरणलाई एकद्वारा प्रणालीमार्फत गरिने बताएका हुन् ।
काठमाडौं । सरकारले आगामी आर्थिक वर्ष रासायनिक मल खरिद गर्नका लागि २७ अर्ब ९५ करोड रुपैयाँ बजेट विनियोजन गरेको छ । आर्थिक वर्षको बजेट प्रस्तुत गर्दै अर्थमन्त्री बर्षमान पुनले यस्तो घोषणा गरेका हुन् । सरकारले चालु आर्थिक वर्षका लागि ३० अर्ब विनियोजन गरेको थियो ।
काठमाडौं । अर्थमन्त्री वर्षमान पुनले उखु खेतीमा लागेका किसानलाई प्रोत्साहन गर्न २ अर्ब २५ करोड रुपैयाँ विनियोजन गरेको बताएका छन् । बजेट प्रस्तुत गर्दे अर्थमन्त्री पुनले यस्तो बताएका हुन् । चालु आर्थिक वर्षका लागि ८० करोड विनियोजन गरिएको थियो ।
काठमाडौं । सरकारले घरेलु मदिराको ब्राण्डिङ गर्ने र बजारीकरण गर्ने गरि कानुनी प्रबन्ध गर्ने भएको छ । आगामी आर्थिक वर्षको बजेट सार्वजनिक गर्दै अर्थमन्त्री वर्षमान पुनले घरेलु मदिराको ब्राण्डिङ गर्ने र बजारीकरण गर्ने गरि कानुनी प्रबन्ध गर्ने घोषणा गरेका हुन् ।
काठमाडौं । सरकारले नेपालमा बिबाहका लागि आउने विदेशी पर्यटकलाई लक्षित गरि जनकपूरलाई ‘वेडिङ हब’का रुपमा विकास गर्ने घोषणा गरेको छ । आगामी आर्थिक वर्षको बजेट सार्वजनिक गर्दै अर्थमन्त्री वर्षमान पुनले जनकपूरलाई ‘वेडिङ हब’ बनाउने घोषणा गरेका हुन् । यस्तै भगवान गौतम बुद्धको जन्मस्थान लुम्बिनीलाई ‘वर्थिङ हब’का रुपमा विकास गर्ने घोषणा गरिएको छ ।
काठमाडौं । सरकारले आगामी आर्थिक वर्ष १६ लाख विदेशी पर्यटक भित्र्याउने लक्ष्य लिएको छ । आगामी आर्थिक वर्षको बजेट सार्वजनिक गर्दै अर्थमन्त्री वर्षमान पुनले आगामी आर्थिक वर्ष १६ लाख विदेशी पर्यटक भित्र्याउने र यसका लागि पर्यटन प्रवद्र्धन गरिने बताएका हुन् । यसका लागि विदेशमा रोड शो जस्ता कार्यक्रम गरिने बताइएको छ ।
काठमाडौं । आगामी आर्थिक वर्षका लागि सरकारले उर्जा क्षेत्रको विकासका लागि ५० अर्ब ७४ करोड बजेट विनियोजन गरेको छ । आगामी आर्थिक वर्षको बजेट सार्वजनिक गर्दै अर्थमन्त्री वर्षमान पुनले आगामी आर्थिक वर्षमा उर्जा क्षेत्रको विकासका लागि ५० अर्ब ७४ करोड बजेट विनियोजन गरिएको घोषणा गरेका हुन् ।
काठमाडौं । सरकारले गाँजाको व्यवसायिक खेती खुला गर्ने भएको छ । आगामी आर्थिक वर्षको बजेट सार्वजनिक गर्दै अर्थमन्त्री वर्षमान पुनले औषधि प्रयोजनका लागि गाँजाको व्यवसायिक खेतीका लागि कानुनी प्रवन्ध गरिने घोषणा गरेका हुन् । गाँजाको व्यसायिक खेती खुला हुनुपर्ने भन्दै जनस्तरबाट माग हुँदै आएको थियो ।
